German Boxer

Einkatímar

Hundaskóli Norðurlands býður nú upp á einkatíma á Akureyri.

Einkatíminn fer fram á heimili þínu þar sem hundurinn er í sínu eigin umhverfi, nema óskað sé eftir öðru eða ef þjálfunin krefst annars umhverfis. Hver tími er klukkustund í senn, passlega langt bæði fyrir hund og hundaeiganda. 

Kostirnir við það að fá einkatíma hjá hundaþjálfara eru þeir að þá getur þjálfarinn kynnst eiganda og hundi í eigin umhverfi og getur því betur metið hvað hentar þeim best í þjálfuninni. Einkatími gerir eiganda einnig kleift að fá einkakennslu á þeim atriðum sem hann vill þjálfa hundinn í og getur þannig þjálfað hundinn sjálfur. Tengsl á milli hunds og eiganda styrkjast í gegnum þjálfunina, sérstaklega þegar vel gengur. 


Til að bóka einkatíma er best að senda okkur tölvupóst með upplýsingum um hverju er óskað eftir og við finnum tíma sem hentar. Sá þjálfari sem tekur þann tíma mun senda þér svar til baka eins fljótt og auðið er.

 

Verð á einkatímum

8.500 kr

Fyrsti einkatími

Fyrsti tíminn fer mikið í það að kynnast, finna taktinn hjá hundi og hundaeiganda. Þjálfarinn finnur hvaða leið hentar best og sýnir hundaeiganda æfingar til að gera sjálfur.

13.500 kr

Fyrsti einkatími með
þjálfunarplani og eftirfylgni

Með þjálfunarplaninu færðu líka eftirfylgni og aðstoð í gegnum tölvupóst í 3 vikur þannig að með þeim pakka færðu meira aðhald í þjálfuninni heldur en með stökum tíma.

7.000 kr

Endurkomutímar

Þjálfarinn hittir ykkur aftur og þekkir þá inná bæði hund og eigendur. Þetta verð gildir þó efni tímans sé annað en efni fyrsta tímans.