Næstu hvolpanámskeið
2023
Því miður eru námskeiðin okkar á smá bið vegna breytinga og persónulegra ástæðna. Um leið og allt skýrist hjá okkur þá munum við setja inn upplýsingar um næstu námskeið ásamt skráningu.
Hvolpanámskeið
Fyrir alla hvolpa fram að 6 mánaða aldri.
Athugið að allir hvolpar þurfa að vera fullbólusettir!
Hvolpanámskeiðin okkar eru fyrir minnstu krílin. Námskeiðið snýst að mestu um að umhverfisþjálfa litlu hvolpana, kenna eigendum merkjamál og læra hvernig hundarnir okkar læra nýja hluti.
Hér að neðan er hægt að sjá hvenær hvolpanámskeið verða næst á dagskrá.
Hvernig eru hvolpanámskeiðin?
Tímarnir fara fram í húsnæði Gæludýr.is í Baldursnesi 8 eða úti við - fer eftir efni tímans.
Hver tími er ca klukkustund í senn. Aðeins 6 hundar í hóp, í hverjum tima eru 2-3 þjálfarar sem sjá um kennslu.
Á meðan námskeiðinu stendur er þátttakendum boðið í lokaða Facebook grúppu til stuðnings. Þar verða gefin heimaverkefni sem við mælum með að gera samviskusamlega til að fá sem mest út úr námskeiðinu.
Það sem við gerum á hvolpanámskeiði með yngstu hvolpana:
Að halda fókus á eiganda í krefjandi umhverfi
Lærum um stress og merkjamál hunda
Umhverfisþjálfun
Innkall
Styrkjum tengsl milli hunds og hundaeiganda
ATH að hvolpanámskeiðin okkar eru mjög sveigjanleg og taka mið af hverjum hóp.Ef við erum með stálpaða hvolpa þá eru námskeiðin líkari grunnnámskeiðunum.
Í lok námskeiðsins útskrifast þátttakendur sem hafa mætt í a.m.k. 80% tímanna, með prófskírteini og smá myndatöku með hundinum sínum. Einnig geta þeir sem vilja, beðið um kvittun til að fá afslátt af hundaleyfisgjöldum hjá Akureyrarbæ - biðja þarf um kvittunina hjá okkur í byrjun námskeiðs og hún síðan afhent í síðasta tímanum nema um annað sé samið.
Nánari skilmála vegna námskeiða má lesa hér.